京都奈良櫻花 Kyoto Sakura

我地都好擔心又要擺D唔自然既Pose，但Larry建議我地擺既pose影出黎好自然，影相既角度亦都好好～Fiona好快手就幫我化好個妝，佢好好傾，態度都好好

我地係2015年4月份去日本京都同埋奈良影pre-wedding既～喺拍攝前一日，攝影師Larry同化妝師Fiona特登黎左我地酒店房，好細心咁問我地想影D咩或者有咩特別要求（之前我同未婚夫喺台灣影左一輯相，但果邊就完全無事先約過我地了……）

出發果日，Fiona好快手就幫我化好個妝，佢好好傾，態度都好好，我堂眉有D高低，佢都好耐心咁幫我執左好多次個妝。真正出發啦！開始拍攝既時候，我地都好擔心又要擺D唔自然既Pose，但Larry建議我地擺既pose影出黎好自然，影相既角度亦都好好～感恩果日無落雨，仲出太陽添！午膳過後，Larry提議我地去一個行程冇plan既地方，話上網見到有地方可以影油菜花！（即刻心心眼！）。果度真係好靚，我地仲影左好多張相，完全係櫻花之旅以外一個意外既收穫！

最後去到奈良公園，我地已經影過櫻花、油菜花田，Larry就問我地有無咩風格之前果輯相無影到。後來佢幫我地兩個影左輯Vintage&cool既相，喺日落之前我地影過浪漫、溫馨、活潑相，最後重玩埋我地鐘意既剪影相！哇！真喺要咩有咩！最後真係要大讚Larry，佢好nice，仲時不時俾D相我地睇下，等我地即時睇到個效果好唔好，呢點真係令我地好放心！佢執相都好快，我地返到香港好快就攞到相lu^^，另外，感謝Fiona默默做助手幫我地攞野、打燈、補妝， 整個旅程都好愉快。