峇里婚紗攝影 Bali Prewedding


影相有質素,如日後有朋友影婚照,一定推薦你地!

上網業睇,Larry 作品非常多而且影得好自然,無意中見倒一段峇里婚照特輯,睇完網業既相更加鐘意峇里既建築物,而且影兩日真係好期待呀。

其實峇里我地已經係第2次去,但感覺麻麻!因為要影教堂,多得Larry推介左Samabe呢間酒店比我地,真係又大又靚,完全改變左我對峇里既感覺!

影相呢2日,Larry同Fiona好準時黎到酒店,Fiona幫我化妝set頭,又教我擺下pose,好nice輕輕鬆鬆傾下計時間真係好快過,個妝化得好自然好貼!好記得呢2日每次影影下,Larry個頭就會則則地跟住望住我傻笑,之後就叫我笑,要笑得開心d,每當我望倒Larry呢個樣既時候,明明唔笑都好想笑!而且Larry曬到好鬼黑,我真係覺得Larry好適合賣黑人牙膏廣告,哈哈!

影到第2日,Larry不斷叫錯我個名,Fiona都幫我話鬼佢,真係好搞笑。成個過程都好開心好順利,但峇里真係好熱好曬,當我地流住汗水既時候,其實攝影師同化妝師都一樣咁辛苦,攝影師要渣住部大機又企又爬地又踎全日影咁耐,化妝師又要兼顧埋助手既角色,好記得喺影騎馬既時候,Fiona渣住支閃光燈,海水沖埋黎,條褲仲比海水沖濕曬!

好想再次同Larry & Fiona講聲多謝曬!辛苦曬! 多謝 幫我 & Yin影左咁多靚相,辛苦 呢2日為我們流左咁多汗水&體力!影相有質素,如日後有朋友影pre-wedding,一定推薦你地公司!

Featured Posts
Posts are coming soon
Stay tuned...
Recent Posts